Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2012
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 13   January/February 2006

Misra-e-Tarah: izhaar-e-iltifaat kee zehmat nah keejiYe Rank Poet Pts. Location 1 Sara Jabeen 78 Shiloh, Illinois, Usa 2 Suhel Khan Ulfat 76 New Delhi, Delhi, India 3 Ain Ul Haq Watai 74 Karachi, Sindh, Pakistan 4 Najeeb Qasir 72 Karachi, Sindh, Pakistan 5 Ateeq Khan Saba 70 Shahjahanpur, Uttar Pradesh, India 6 Wazir Hassan Wazir 68 Karachi, Sindh, Pakistan 6 Syed Akhtar Hussain Surosh 68 Karachi, Sindh, Pakistan 8 Mohammad Hidayatulla Fahmi 66 Anantapur, Andhra Pradesh, India 8 Wali Alam Jalali 66 Karachi, Sindh, Pakistan 10 Muhammad Aslam Fareedi 64 Karachi, Sindh, Pakistan 11 Syed Hamid Hussain Baaqri 62 Bangalore, Karnataka, India 11 Sajid Hashmi Sajid 62 Rajgarh(biaora)m.p., M.p., India 13 Bhaswar Dasgupta Munawwar 58 Kolkata, West Bengal, India 13 Mohammad Hammad Niazi 58 Talagang, Punjab, Pakistan

#1 — Sara Jabeen dil per laga ke chout muravvat nah keejiye "izhaar-e-iltifaat kee zehmat nah keejiye" kyaa jii sakenge aapke deedaar ke baghair wada wafa ka karke baghaawat nah keejiye dekar gulaab unki mehak ko na cheeniye lillah! mere dil peh qasaawat nah keejiye moti hamaari aankh ke arzaan nah houn kahin dunyaa mein istarah ki sakhaawat nah keejiye miljaayen qurbatein hamen, mitjaayein faasle dil se duaayen keejiye, hasrat nah keejiye majbooriy-e-firaq ka shikwa nahin bajaa khud per na ho yaqeen tou muhabbat nah keejiye afsaana-e-bahaar na honton pe laaiye zikr-e-shabaab behr-e-inaayat nah keejiye sara ko apne zauq-e-nazar per hei iatimaad apnaa khayaal rakhiye, naseehat nah keejiye

  Back to top

#2 — Suhel Khan Ulfat merii jo maaniye to muhabbat nah keejiye apne sukoon-e-dil se adaavat nah keejiye main jaantaa hun baaz na aayegaa ishq se is naa muraad dil ko naseehat na keejiye rusvaa kahiin na kar de zamaanaa ye aapko is darja mujh ghariib se ulfat nah keejiye dil men tha aapke jo aakhon nah kah diyaa "izhaare iltifaat kee zehmat nah keejiye" maasoomon, bebason va ghariibon ki laashon par taameer apne ghar ki imaarat na keejiye ban jaate hain kabhii kabhii mahlon men makbare daulat hii sirf dekh ke nisbat nah keejiye dukh jaaye dil kisii kaa hasiin aapkiii bane aise kabhii kisii se zaraafat na keejiye jo ho gayaa khataa to mire dil ki kyaa khataa phir teer chhoriye ke shikaayat nah keejiye mar jaaye nah khushii se voh qadmon par aapke 'ulfat' par aaj itni i'naayat nah keejiye

  Back to top

#3 — Ain Ul Haq Watai raheay kaheen kisi say shararat na keejeay koi amal khilaf-e-shariyat na keejeay mazhab ka naam lay kay siasat na keejeay jab haq kee baat aaey to hujjat na keejeay makr-o-riya bina-e-siadat na keejeay himmat agar nahi to qiyadat na keejeay dollar ki jhalaroon ko na zanjeer-e-pa karain umr-e-azeez nazr-e-himaqat na keejeay pee jatay hain nichoor kay khoon-e-rag-e-ghareeb behtar yahi ha noha-e-ghurbat na keejeay nazuk sa aik dil tha so abb dagh dagh hay "izhar-e-iltifat kee zehmat na keejeay" jab bastiyan tabah hon imdad bhaijeay lakin unhi kay haq ki himayat na keejeay paitee pay baat aaee to jailor nay yeh kaha hoti nahin to aap mushaqqat na keejeay kar-e-jahan daraz hay or umr mukhtasar haan jaeay watai say ulfat na keejeay

  Back to top

#4 — Najeeb Qasir hai gar che lakh wajhe fazilat nah keejiye shauq-e-sukhan khilafe-e-wadiyat nah keejiye apni riwayaton se baghawat nah keejiye saoda usool par kisi qeemat nah keejiye maqdoor ho to rah se hat jaiye magar zalim ki behr tor eanat nah keejiye chalna ghalat nahin hae kissi rahnuma ke saath be-parkhey aitbar-e-qiadat nah keejiye go tajrubat-e-ishq buhut khoob to nahin yeh kis ne keh diya ke mohabbat nah keejiye achche nahin mizaj-e-girami huzoor ke ?izhar-e-iltefat ki zehmat nah keejiye? roothe huon ko ja ke manana pare agar apni ana ko hael-e-ulfat nah keejiye behter yehi hae apni khata maan lijye kiyon kar huee hae is ki wazahat nah keejiye izhar-e-ishq koi buri baat to nahi qasir zaban se sharhe mohabbat nah keejiye

  Back to top

#5 — Ateeq Khan Saba kitna hi dard-o-ghum ho shikyet na kiijiye warna , huzoor, aap mohabbat na kiiliye such bolne ki gar nahin himmat to na sahi par jhoot ki to aap himayet na kiijiye sajde mein sirf sar hi jhuke dil na jhuk sake bekar hai , phir aisi ibaadat na kiijiye khud uth ke aap kiijiye roshan koi chiragh yun baithe baithe shikwa-e zulmat ni kiijiye logon mein pyar baatna mumkin nahin agar to kum se kum kisi se adaawat na kiijiye ho kar juda muhaal ho ieena hi aap ka itni bhi ab kisi se mohabbat na kiijiye sood-o-zian ki fikr hai is mein bhi aapko ab ishq to ba - tarz -e- tijarat na kiijiye

  Back to top

#6 — Wazir Hassan Wazir nowe'e busher se aap yon nafrat nah keejiye tari kisi ke seher pe zolmat nah keejiye a'qal-o-sha'ur-o-fiker nahi aagahi nahi phir karawan ki aap qayadat nah keejiey jis ka ke karobar ho fira'un ki tarha ayse kisi khuda ki ibadat nah keejiay nikli jo mo.n se bat to jaey gi door tak apni aya.n kisi pe haqeqat nah keejiye ja ker jahan se lot ke aana mahal ho tay aysee manzilon ki musafat nah keejiye ujrat jo de rehe he.n to bharpoor deejeay hergiz kisi ki raega.n mehnat nah keejiye un se ta'loqaat na had se barhaiye who bewafa he.n un se muhabat nah keejiye tarz-e-'amal ne aap ka sab kuch bata dia izhaar-e-iltifaat kee zehmat nah keejiye danish waran-e-waqt ne mujh se kaha wazir apne mafaad me.n koi khidmat na kejeay

  Back to top

#6 — Syed Akhtar Hussain Surosh badnamion key deep na jal ney lagein huzoor hum sey ta al luqat ki shohrat nah keeiye woh khood to khailtey hain meray dil sey raat din aur mujh ko yeh qasam keh shararat nah keejiye hum ko firaq -e-yaar ki aadat see ho gayei ab aap iltefaat kee zehmat nah keejiye ho ney laga hay khood peh hamein aur hee gumaan allah iss qadar bhi mohabbat nah keejiye

  Back to top

#8 — Mohammad Hidayatulla Fahmi dil ke muaamilaat men ijlath na keejiye ijlath men lab kushaayee ki jur'ath na keejiye mehsoos keejiyega meray dil ki dhad'kanen dil thodne ki koyee sharaarath na keejiye phoole nahin samaayega dil doob jaayega aashiq ki be-naqaab iyaadath na keejiye di jal ke khaak hone laga kam se kam sanam ghairon ki mere aage himaayath na keejiye raaz-o-niyaaz ke abhi aayenge marhaley yun ek hi nazar pe qinaa'ath na keejiye parvaane hon fareftha is shem-e-husn par faanoos ban ke is ki hifaazath na keejiye chaaho tho jaan kya rakhun eeman bhi daau par "izhaar-e-iltifaat kee zehmat nah keejiye" "fahmi" ke naam keejiye ap'ne thamaam gham ghairon ko yeh inaam inaayath na keejiye

  Back to top

#8 — Wali Alam Jalali dil khoon nisar rang-o-malahat na keejeay lala rukhoon say aap mahabbat na keejeay ham say hi kad ham hee say lagawat ghazab nahin barpa abb iss tarha to qiyamat na keejeay ham hain qateel-e-naz hamain ahtiaj kia "izhar-e-iltifat kee zehmat na keejeay" tar-e-nafas tasawwur-e-jana say ha bandha piari agar hay jaan to ghaflat na keejeay shikwa kisi say ho to rafa keejeay zaroor shikwa kisi say bhi kisi soorat na keejeay nafrat barhay gi had say to aanay lagay ga piyar aata nahin hay piyar to nafrat na keejeay ilzam-e-zoq-e-deed bhi hay aetiraf-e-deed ham par hi aik nazr-e-inayat na keejeay insaf ka nishan tarazoo ha aankh main sach baat keh raha hoon samaat na keejeay mawwaj khoon-e-dil say wali ju-e-chashm hay batain sar-e-hussain ki babat na keejeay

  Back to top

#10 — Muhammad Aslam Fareedi hangama-e-hayat say nafrat ma kijiay yoon zindagi say tarkay muhabbat na kijiay bar-e-karam uthy hoy phir rahy hain kiyoon dil ko kabhi bhi rukash-e-minnat na kijiay wajahy sakoon-e-jam ho jab us zulf ka khyal sahra main rah kay apni koi chhat na kijiay wo shakhshjo kholoos ka paiker dikhai day aisay sharikay-gham ki shikayet na kijiay wahdaniat ki rat jo laga ta ho raat din aisay ksi khuda ki ebaadat na kijiay keya janiay kahan patheharta hai qaafla rahro ko yoon hawala-e-zulmat na kijiay kuchh zakhm phool ki terhan khilty hain rozo-shab un zakhmon say mazaq-e-latafat na kijiay dil ko tatoliay ke hili thi zameen keyon allah kay ghazab ki shikayet na kijiay herfay-sukhuan atiya-e-perwerdigaar hai tazheek-e-shaairi ki jasarat na kijiay wo to fareedi laeqay rahber nahi raha us rahnuma ko qabilay-e-khidmat na kijiay

  Back to top

#11 — Syed Hamid Hussain Baaqri bhaai ghareeb shakhs se nafrat nah keejiye kamzarf aadmi se mohabbat nah keejiye bachna agar hai aapko sh^olo.n se naar ke haa.n rahm khud pe khaaiye gheebat nah keejiye gheebat ka karna sunna yeh dono.n haraam hai.n hai.n aag aisee mehfile.n shirkat nah keejiye buzdil hi waar karte hai.n peeche se dosto aisay munaafiqeen ki ^ezzat nah keejiye ruswa nah keejiye keh hai insaan mohtaram murdo.n ka gosht khaane ki hujjat nah keejiye haamid ko ^ilm aapki khaslat ka hai janaab "izhaare iltefaat ki zahmat nah keejiye"

  Back to top

#11 — Sajid Hashmi Sajid tark-e-taaluqat ki soorat na keejiye is daur me huzoor mohabbat na keejiye insaaniyat ka naam hi deen-e-mubben hai mazhab pe janab siyasat na keejiye ho huqmaraan to bhookh ko pahle dafa karo roti na de sako to huqoomat na keejiye dil saf ho ager to yahaan aaiye zaroor keena hoger to aane ki zehmat na keejiye ehl-e-khuloos ko to saron per bithaiye lekin kabhi rakeek ki izzat na keejiye hai honsla to qaum ki izzat barhaaiye warna kabhi dikhawe ki himmat na keejiye shehr-e-sukhan me zor-e-qalam keejiye mager sajid khayal-kham pe mehnat na keejiye

  Back to top

#13 — Bhaswar Dasgupta Munawwar ashkon ko apnii aankh se rukhsat na keejiye zaaya yun hii karoro ki daulat na keejiye mat roiye, yoon tauhiin-e-ghurbat na keejiye zaaya yun hii karoro ki daulat na keejiye sarkaar aap se yeh guzaarish rafeeq kii maazee ko apney aaj ki aadat na keejiye muskaan ke janaab kii aashiq hazaar hain unkii hi soch kar gham-e-furqat na keejiye shabnam ko chaahiye ke judaa ho gulon se ab sooraj nikal chukaa hai to ghaflat na keejiye maanaa ke main nahiin tere gham mein shareek ab lekin yeh kyaa ke mujh pe inaayat na keejiye bhoolen hen aap kyon ke "munawwar" ki chaah kyaa woh mar gayaa to kyaa abhi izzat na keejiye?

  Back to top

#13 — Mohammad Hammad Niazi yoon darde ladawa se baghawat na keejiye ruswaa dile bahar ki cahat na keejiye dooba hoa hay raqs mein sara jahane naz jalwa dikha kay jag mein qiamat na keejiye kho jaonga tasaware manosiaat mein ab itni bhi aap muj se morawat na keejiye hum jante hein kitni mohabbat hay aap ko "izhare iltifaat ki zehmat na keejiye" jazboon ki tishnagi ki waja muj ko kia pata haan waqt ki kamazkam shikayat na keejiye mein jangaloon mein zeast ki phirta raha hammad har shakh keh rahi thi mohabbat na keejiye

  Back to top

Previous Winners

Copyright © 1998-2012. Mehfil-e-Mushaira. All rights reserved.