Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2012
Mehfil-e-Mushaira
All Rights Reserved
 
No part of this site may be reproduced without permission

Legal Notice

Poetry Competition #4 Winners

Amjad Nabeel will receive an Urdu poetry book and an Award of Achievement from Mehfil-e-Mushaira.

The following is a list of top participants. Mehfil-e-Mushaira would like to congratulate them all.

1.	Amjad Nabeel (64 points), Doha, Qatar
2.	Muhammad Usman Qaiser (62 points), Karachi, Sindh, Pakistan and Muhammad Aslam Fareedi (62 points), Karachi, Sindh, Pakistan
4.	Irfan Haleem Barabankwi (60 points), Jeddah, Saudi Arabia
5.	Tanwiruddin Ahmad Phool (58 points), Karachi, Sindh, Pakistan
6.	Nooruddin Moji (56 points), Karachi, Sindh, Pakistan and Riaz Ahmed Saraa (56 points), Lahore, Punjab, Pakistan
8.	Ateeq Khan Saba (54 points), Shahjahanpur, Uttar Pradesh, India, Muhammad Akram (54 points), Karachi, Sind, Pakistan and Qumar Zaman Paihum (54 points), Karachi, Sind, Pakistan
11.	Khawar Nezami (52 points), Karachi, Sind, Pakistan
12.	Abdulqayyum Rajab Ali Sahil (50 points), Jeddah, Saudi Arabia
13.	Akif Ghani (48 points), Paris, France, and Khozema Husaini (48 points), Khandwa, M.P., India, and Misbah Shah Saabi (48 points), Calgary, AB, Canada, and Sunayna Yasin (48 points), Marietta, GA, USA
17.	Aneela Mahmood Qarar Jafree (46 points), Karachi, Sindh, Pakistan and Shumaila Mohammad (46 points), North Ahmadi, Kuwait
19.	Abdul Hadi (42 points), Osh, Kyrgyzstan, and Jhony Penta Tashna Ahmedabadi (42 points), Kinshasa, Democratic Republic of Congo, and Shehzad Hanif (42 points), Multan, Punjab, Pakistan

#1 — Amjad Nabeel Haqeeqat yehii hai miree zaat ki hamesha vafaaoN ki bohtaat ki sazaa paa rahaa hoon isi baat ki tamanna tiree maine din raat ki zaroorat nahin hai tiree naama.bar khabar hai unheN mere Haalaat ki sabaa le ke aayee hai mere liye jo bu-e-Hinaa hai tire haat ki bichaRne bichaRne ke mausam gaye havaa ab chalee hai mulaaqaat ki chaman meiN koii ghar salaamat nahiN falak tu ne kaisi ye barsaat ki? mukhatib tha kal andaleeboN se maiN "zabaaN sab samajhte haiN jazbaat ki" saHar tere jalve haiN sab per ayaaN azal se hai dushman tu zulmaat ki Nabeel ab uTho aur keh lo ghazal ke aamad hui hai khayalaat ki

  Back to top

#2 — Muhammad Usman Qaiser Ghata jub bhi chhati hey bursaat ki Solagti hey chiNgari jazbaat ki Hawa jo chali ekhtalafaat ki Rawish buh gayee ittefaqaat ki Na ho tiraH bakhti peh ranjidah to Sahar laazmi hai her ek raat ki Dayar-e- mohabbat ke ahl-e-nazar "zabaN sab samajhte haiN jazbaat ki" Rah-e- haque parusti pe they gaamzun saza pa rahey haiN hum is baat ki Kasuk' durd' girya' khalish' ranj-o-ghum Yeh sawghat haiN ek molaqaat ki jawaaz' amn-e-aalam ka hai ek faraib Yeh jaNg-o-jadul hai mofadaat ki Sadaa-e-gharibaN pahoNchiti NahiN Banawat hai aisee amaraat ki Maruz ho Koyee to' hai mumkin elaaj Dawa kia hai marg-e-mofajaat ki Hai jaNgul ka qanoon "Qaiser" yahaN Zaroorat hai phir inqalabaat ki

  Back to top

#2 — Muhammad Aslam Fareedi Na lab hi hilay ur na kuch baat ki Ajab shakal dekhi mulaqat ki Wo mausam kabhi bhoolta hi nahin Bohat yaad aati hai barsat ki Usi shakhs ki raah tukti rahi Nazar muntazir thi mulaqat ki Dil-o-jan lye mein tu betha raha Kisi ne na ki qadar jasbaat ki Meri umr ik daastan ban gayee Rahi justajoo inkashafaat ki Chalo manzil-e-amn ka rukh karein Dagar chor dein ikhtalafaat ki Meri zaat bhi bar-e-khaatir huee Faqat rasm hai ab madaraat ki Rawish khud numaee ki achi nahin Tarha aao daalein masawaat ki Fareedi merey jazba-e-shauq ko Zaroorat hai chamshm-e-inayaat ki

  Back to top

#4 — Irfan Haleem Barabankwi Lataafat wo pehli mulaaqaat ki Hou SeHraa meiN rut jaise barsaat kii Chalo ham bhi ieejaad karte heiN ik Nayi Tarz apne khayaalaat kii VazaaHat kii koiee zaroorat nahiN "zubaaN sab samajhte heiN jazbaat kii" Chaman meiN thirakti houi titliyaaN Fazaa paish karte heiN naghmaat kii moyassar kahaaN gaaooN kii, shehr ko mahak soundhi soundhi who barsaat kii Muhabbat bhare dil judaa hougay Houii nauAiyat aisi Haalaat kii Nah dekhi hou jis ne use kyaa khabar Qiyaamat hei kyaa hijr kii raat kii Khudaayaa hou Irfan per bhii karam Keh Had hougaii ab tou sadmaat kii

  Back to top

#5 — Tanwiruddin Ahmad Phool Bataaoon tumhein baat kal raat ki Tasawwur mein un se mulaaqaat ki Nigaahon se hoti rahi guftgoo "Zabaan sab samajhte hain jazbaat ki" Iraade sabhi na-mukammal rahe Aajab kuchh hai gardish yeh haalaat ki Sataane lagi yaad us ki mujhe Suni dil ne sargam jo barsaat ki Kabhi manzil-e-Karbala dekh lo Aalaamat hai yeh Haq ke isbaat ki Zabaan par khamoshi rahi hukmraan Merae aansuoon ne munaajaat ki Naheen Us ki naimat ka koi shumaar Naheen koi had hai enaayaat ki Sukhan sanj hi hain samajhte isay Zabaan shaaeri hai aalaamaat ki Jo is mein geya qaid ho kar raha Havaili aajab hai rawayaat ki Mila shabnami jaam-e-ulfat mujhe meree Phool us ne mudaaraat ki

  Back to top

#6 — Nooruddin Moji woh batain hain sari elamaat ki tafakkur kay gautam ney jo baat ki parindey sabhi udgaye janey keun bahar aayee abkey jo barsaat ki libas-e-ghzal may jo malboos hai woh parchhayeeyan hain kheylaat ki kanwal pay main kaisay likhoon apna haal bahut jheel gahri hai jazbaat ki yeh afsos hai aik muddat key baad mila bhi to usney wasi baat ki laganey chaley fusl barson ki woh naheen kuch khabur jin ko lamhaat ki yahi abla payee puchhey hai aaj kahan say safur yeh shuruaat ki naheen jinki ik jaisee sub ungliyan woh kartey hain bateen masawat ki hateli pay sarsoon jama to liye zaban he na samjhey isharaat ki huwa ayina bhi parishaan ai mauj kay jub main ne khoob say mulaqat ki

  Back to top

#6 — Riaz Ahmed Saraa jo us naazneeN ne zaraa baat ki saji bazm ik sh'r-o-naghmaat ki khayaalooN meiN us se rahi guftagu tasavvur mieN us se mulaataat ki sumundar, ghataa'eeN, sitaare, falak :zubaaN sab samajhte haiN jazbaat ki: miri jaaN na jaa'oo kare iltijaa ye bheegi hu'ii shaam barsaat ki jo palkooN pe ashkooN ke haiN jamghate ye saazish hai yaadooN ki baaraat ki

  Back to top

#8 — Ateeq Khan Saba Yeh duniya to khugar hai aalaat ki Yahan ab nahin qadr jazbaat ki Kisi ne na mujh se koii baat ki Inayet hai yeh badle halaat ki Huyee hum pe baarish sawalaat ki Kisi se zara hans ke gar baat ki Laga jaise ek ajnabi se mile Kabhi bhi jo khud se mulaqaat ki Jo bharta raha doosron ka shikam Woh ab roti khata hai khairaat ki Nahin apni ruswaaiyon ka alam Mujhe fikr hai bus teri zaat ki Pila dala har aarzoo ka lahoo Bujhi pyas phir bhi na halaat ki Rahe umr bhar hum to khana badosh Kahin din guzara , kahin raat ki

  Back to top

#8 — Muhammad Akram Tasawwur maiN kis se mulaaqaat ki Mahakti hai dunya khyaalaat ki Kali khil gayee dil kay juzbaat ki Ajab inteha thee madaaraat ki Kayee wajha theiN ekhtelaafaat ki Magar laaj rakkhi teri baat ki Tujhay ham nay socha teri baat ki Abaadaat kee ya munaajaat ki Usee samt nazrain jamee haiN jahaN Koi hud nahiN hai enaayaat ki Samundar kay aagay hai qatraa magar Samundar ko darya nay khairaat ki Tujhay gardishoN say hai kaya wasta LakiraiN haiN raoshan teray haat ki Chhupaanay se Akram hai kaya faaida "ZubaN sab samajhtay haiN jazbaat ki"

  Back to top

#8 — Qumar Zaman Paihum ayan elm-e- fitrat ne her baat ki tilism-e-saher ke kamaalat ki samandar ne urr ker jo barsaat ki karaamat sub hain bukharaat ki bahut khubsurat bahut dilnasheen herek samt rimjhim hai barsaat ki ajub jang jaree hai jazbaat main ajub kashmakash hai khayalat ki sada doosroon per na ker tabsera khabar lay zara apney haalat ki to ek beej nafrat ka boya kabhee usee say hai khetee fasaadaat ki amal mein yeh paihum hain korey abhee faeelat hai jinkey karamaat ki

  Back to top

#11 — Khawar Nezami jo dunya hai merey kheyalaat ki Oh jageer hai aap li zaat ki mojhey yaad aatey haiN mazee ke din hawayeN jub aate haiN barsaat ki khabi garm aaNsoo khabi sard aah yeh tasweer hai mere halaat ki Jo arsh-e-mohabbat sey nazil hoyeeN Hai tafseer mushkil in aayat ki Agar aap chahaiN to hai aur haat Nah tootegi zanzeer sadmaat ki Tomhara patah hai naH koyee nishaN NahiN koyee soorut molaqaat ki Kati Omr "KHAWAR" ki afkaar maiN Kabhi fikr din ki kalihi raat ki

  Back to top

#12 — Abdulqayyum Rajab Ali Sahil UthaaiN na zehmat ishaaraat kii subaaN sab samajhte hein juzbaat kii kahouge haqeeqat ko bhii maat kii jo tasveer khainchooN meiN haalaat ki tabassum bhi farmayaa aur baat ki baRi khush ghaRi thee mulaaqaat kii Nazar aarahaa hei badan subH kaa Simtne lagi hei ridaa raat kii ZameeN per safar karrahaa hei magar Khabar le rahaa hei samaawaat kii Wo kyaa chaand hei yaa koiee maah roo Yeh hei kaun aaghoush meiN raat kii Bahaa le gaiee mauj ghar rait kaa Houe nazr ham sail-e-aafaat kii Shareek-e-safar thay iraade mire kahiN din guzaaraa kahiN raat kii Ghazal aap likkhainge Sahil miyaaN Pazeeraayi hougi khayaalaat kii

  Back to top

#13 — Akif Ghani hai gardash musalsal hee halat ki samajh kuch na avey kissi bat ki talahs e sehar mein yahi fikar hai chatey gi ghata kab siah raat ki naheen bhool paya kabhi dosto ajab dastan thee meri mat ki khudi ko jo mafhoom maloom ho naffi kaisey hogi bhala zat ki aey akif main likhta chala ja raha hoon naddi jo rawan hai khialat ki

  Back to top

#13 — Khozema Husaini meri simt daykha nah kuchh baat ki unhoN nay kuchh aisay mulaqaat ki tamanna thee taroN ki baaraat ki saji meray ghar bazm zulumaat ki sabab gar nahiN zid KHyalaat ki hay phir kiya wajah iKHtelafaat ki KHuda say duaa hum nay din raat ki magar shakl badli nah haalaat ki mujhay hi faqat us nay mehroom rakkha suna hay shehar bhar meN KHairaat ki KHamoshi hay ik zariyah e guftagoo zabaaN sub samajhtay heN jazbaat ki paRho marsiyah zindagi ka nah yaro zaroorat hay duniya ko naGHmaat ki yeh ashk e nadamat heN wajah e najaat yeh hay manzilat chand qatraat ki hawadis nay baKHsha hay woh hosla kami si lagay hay muhimmaat ki sadaa nafs nay di ki hay tang daman ghaRi thee husaini karaamaat ki

  Back to top

#13 — Misbah Shah Saabi zubaan sab samajhtay hain jazbaat ki junoon-e-muhabbat kay lamhaat ki koi chara gar dill main anay to do banay gee kahanni har ik raat ki na mujh ko sakoon mill saka aaj tak kasam hai zamanay kay halaat ki agar soz ho dill ki aghosh main to kyunkar ho mushkil mulaqaat ki mujhe saath mill jaye gar aap ka na hogi kabhi fikar mafaat ki main dartee nahi mout kay khouf say magar fikar hai aap kay saath ki shabo roz saabi ibadat karo tumhain hai zaroorat manajaat ki muhabbat ka jazba to anmol hai yay baki hain rasmain kharafaat ki khuda janay rehta kahan hai khuda hamain zindagi di to affaat ki na shikwa hamain us say hai na gila khuda ki khudayee hai khadshaat ki

  Back to top

#13 — Sunayna Yasin Kahaani sunata huan ek raat ki Vo kya qaifiyat thi mulaqaat ki Bas aankhon hi aankhon main har baat ki ZubaaN vo samajhte the jazbaat ki yu dekhte hi dekhte din ho gaya khabar hi nahin kuchh auaqaat k Kahan khatm huee uski batain tamaam Mujhe bas khabar hai shururaat ki Nasha ek tari tha unpe MAHAK Mujhe yaad hai un lamhaat ki

  Back to top

#17 — Aneela Mahmood Qarar Jafree na pehley si baarish khayalaat ki na taqat rehi mujh main sadmaat ki gunehgaar dil mera tauba shikan key pehli thi baarish wo barsaat ki wo aaya nahin hasb-e-wada kabhi na baat usne rakhi mulaqaat ki haan shaikh-e-harm se nahin rasm-o-raah hei baat mujhko maloom ik raat ki mujhey zindagi apni piyari bhi hai hai mujhko zaroorat munajaat ki fasaaney main merey tera zikr-e-kheir yey aawaargi hai khayalaat ki azaab-e-mohabbat hei sab ke liey na koi rehi baat darjaat ki ajab bezubaaN ka tabassum QARAR "zubaaN sab samajhte hein jazbaat ki"

  Back to top

#17 — Shumaila Mohammad ajab raat hai ye tilismaat kii zameeN aasmaaN ne mulaqaat kii sunaa raat jab hai inaayaat kii sitaaroN ne shab bhar munaajaat kii bhalaa baat kab thi ye ik raat kii k har shab hi nainoN ne barsaat kii zaraa intehaa dekh sadmaat kii ke haalat bhi khastaa hai haalaat kii! faqat baat kii thii musaawaat kii na thii baat woh ikhtilaafaat kii nahii raas aati hai izzat jise wahi baat kartaa hai auqaat kii na ho shaad mujh ko yuN khush dekh kar khushii to hai ye chand lamhaat kii ishaaroN meiN jaane woh kyaa keh gaya hui mujh pe baarish sawaalaat kii jo qismat ne cheena miraa humsafar mitaa diiN lakeereiN sabhiN haath kii ye sher-o-sukhan,ye mirii shaa'irii rudaad-e-mohabbat hai har zaat kii!

  Back to top

#19 — Abdul Hadi vo bataiN hina aur barat ki adaiN haiN sari shoroat ki hamesha usay hi faqat sochna khabar thi kahaN hum ko din rat ki ada chashm-e-janaN na hay zikr-e-yar kahaN hum ko fursat khurafat ki meray gham ko dekha samaN ro para "zubaN sab samajhtay haiN jazbat ki" nai qadraiN warid hoi haiN yahan yahaN daqar kis ko hay jazbat ki ghhata ye jo yadooN ki jab chha gai to khalwat main aNkhooN nay barsat ki ana ab hay hari yahaN ishq say thi khahish bohat hum ko is mat ki tajalli kay lamhay maiN kuchh na hova "na gi bhar k dhekha na kuchh bat ki" jahaN bulbulooN ki naqadri hoi zarorat nahi aesay baghat ki kahaN hadi keh pata ye misray ye bataiN haiN sari tajurbat ki

  Back to top

#19 — Jhony Penta Tashna Ahmedabadi kyoN zaroorat ho mujhko khayaalaat ki baat karani nahiN jab mulaakaat ki naa karungaa meiN tehriir haalaat ki zubaaN sab samajhte heiN jazbaat ki shab e vasl kaise meiN bhulu kahoo huyi ibtedaa thii shikaayaat ki milaa mujhko tohfaa mohabbat kaa kyaa woh wehshat sii raateiN hawaalaat ki mujhe koi khwaaish nahiN khuld ki karuu phir bhi baateiN ibaadaat ki koi keh dau 'tashna' se jaake zaraa wo mehfil meN aaye sawaalaat ki

  Back to top

#19 — Shehzad Hanif Ajab aik sorat thee halaat ki na pocho wo ik raat barsaat ki chup chap bas unko dekha keeay buhat dair tak na koi baat ki aik tum hi na samjhey wagarna yahan "zuban sab samajhtey hein jazbaat ki" iss fana-zaar mein kuch bhe dayam nahin amad-e-subh hey amad kaheen raat ki qurbaton men judai ka khauf-e-muheeb hijr ghutti mien hai ishq badzaat ki isqadar merey hamdam tou nazaan na ho jeet bhee aik sorat hi hey maat hi janmon sey barh kar hein shayad "sabeeh" wo chand sa'atain thee mulaqaat ki

  Back to top

Previous Winners

Copyright © 1998-2012. Mehfil-e-Mushaira. All rights reserved.